Á Hjalla 22 – Tel. 61 36 66

Plátuverkstaðið

Á plátuverkstaðnum hava vit útgerð sum krevst, fyri at umvæla skaðar á øllum bilmerkjum – bæði tá talan er um plátu- og lakkskaðar.

Plátuverkstaðið hjá WAAG er góðkent til at umvæla tryggingarskaðar fyri Betri Trygging og TRYGD.

Opið

Mána- til fríggjadag 8:00 – 16:00

1. Tá bilurin fær skaða

Fær bilurin skaða, má støða fyrst tikin til, um tað er trygt at koyra við bilinum ella ikki.

Er talan um minni skaða, kann bilurin vanliga koyra, til hann verður umvældur. Er talan hinvegin um størri skaða kann bilurin møguliga ikki koyra, fyrr enn hann er umvældur.

Er skaðin somikið stórur, at tað ikki ber til at koyra við bilinum, kann hann flytast til okkum við flutningshjálp.

Eru ivamál, vegleiða vit fegin.

2. Boða frá skaðanum

Tá talan er um tryggingarskaða, mást tú venda tær til títt tryggingarfelag og melda skaðan inn.

Frá tryggingini fært tú eitt skaðanummar og boð um, at bilurin skal sýnast.

Vit sýna skaðar týs- og hósdagar. Tú møtir við bilinum kl. 8.00 og fært bilin aftur uml. kl 14 sama dag.

Til ber at bíleggja tíð frammanundan men til ber eisini at møta á Hjalla týs- ella hósmorgun kl. 8:00.

Minst til at hava skaðanummarið við tær.

3. Umvæling

Tá ið bilurin er sýnaður, skal tryggingarfelagið góðkenna sýnið. Hesum samskiftinum taka vit okkum av.

Tá ið sýnið er góðkent, fært tú eina tíð til umvæling frá okkum.

Tá talan er um tryggingarskaða, hevur tú møguliga rætt til leigubil, meðan tín bilur verður umvældur.

Tað er umráðandi, at tú boðar okkum frá, um tú vilt hava leigubil, meðan bilurin hjá tær er til umvælingar hjá okkum.

4. Tú fært bilin aftur

Tá bilurin er liðugt umvældur, fært tú boð frá okkum um, at bilurin er klárur at heinta.

Tá talan er um tryggingarskaða, taka vit okkum av øllum samskiftinum við tryggingarfelagið, um gjalding fyri umvælingina.